२७ असार २०८३, शनिबार
विश्वभर दुई करोडभन्दा बढी मानिस कोरोना भाइरसबाट संक्रमित भएका छन्।
विश्व स्वास्थ्य संगठनका अनुसार बुधबार दिउँसोसम्म कोरोनाभाइरसको संक्रमणबाट विश्वभर ७ लाख ४६ हजारको मृत्यु भएको छ।
स्वास्थ्य अधिकारीहरुका अनुसार कोरोनाको संक्रमण सबैभन्दा बढी देखिएका मुलुकमा अमेरिका, ब्राजिल, मेक्सिको, भारत र रसिया समेतका मुलुक छन्।
अमेरिकामा ५३ लाखभन्दा बढी मानिस संक्रमित भएका छन् भने ब्राजिलमा ३१ लाख, भारतमा २३ लाख, रसियामा ९ लाख, दक्षिण अफ्रिकामा ५ लाख ६६ हजार, मेक्सिकोमा ४ लाख ९२ हजार, पेरुमा ४ लाख ८९ हजार तथा कोलम्बियामा ४ लाख १० हजार संक्रमित छन्।
कोरोनाको संक्रमणबाट मृत्यु भएका नागरिक पनि अमेरिकामा सबैभन्दा बढी छन्। पछिल्लो विवरण अनुसार अमेरिकामा हालसम्म १ लाख ६७ हजार, ब्राजिलमा १ लाख ३ हजार, भारतमा ४६ हजार, रसियामा १५ हजार, मेक्सिकोमा ५४ हजार, दक्षिण अफ्रिकामा १० हजार, पेरुमा २१ हजारको मृत्यु भइसकेको छ।
