फ्रान्सले पूर्वी भूमध्यसागरमा दुईवटा राफेल लडाकू विमान र लफायेत नामक युद्धपोत पठाउने भएको छ । 

उक्त क्षेत्रमा टर्कीसँग तनाव बढ्दै जाँदा आफ्नो सैन्य उपस्थिति बढाउने योजनाअन्तर्गत लडाकू विमान र युद्धपोत तैनाथ गरेको फ्रान्सको रक्षा मन्त्रालयले जनाएको छ ।

यसै हप्ताको आरम्भमा फ्रान्सका राष्ट्रपति इम्मानुएल म्याक्रोंले टर्कीलाई उक्त क्षेत्रको विवादित क्षेत्रमा तेल तथा ग्यास उत्खननको काम रोक्न आह्वान गरेका थिए । टर्कीले तेल तथा ग्यास उत्खनन गर्दा ग्रीससँगको तनाव बढेर गएको छ ।