गोरूसिङ्गे–सन्धिखर्क सडकखण्ड अन्तर्गत अर्घाखाँचीको शीतगंगा–२ राजुबास झोलुङ्गे पुल नजिकै टिप्परले मोटरसाइकललाई ठक्कर दिँदा शनिवार एक बालकको मृत्यु भएको छ ।
   
कपिलवस्तुको गोरूसिङ्गेबाट अर्घाखाँचीको नरपानी आउँदै गरेको ना८ख ६६९८ नम्बरको टिप्परले विपरीत दिशाबाट जाँदै गरेको लु३२प २३९१ नम्बरको मोटरसाइकललाई ठक्कर दिँदा मोटरसाइकलमा सवार सन्धीखर्क–७ का ३ वर्षीय अभिषेक थापाको घटनास्थलमै मृत्यु भएको जिल्ला प्रहरी कार्यालय अर्घाखाँचीका प्रहरी नायब उपरीक्षक माधव बुढाथोकीले जानकारी दिए ।

टिप्पर र चालकलाई नियन्त्रणमा लिएर अनुसन्धान शुरू गरिएको प्रहरीले जनाएको छ । प्रहरीका अनुसार मोटरसाइकलमा साना २ बच्चासहित ४ जना सवार रहेको थियो । सवार अन्य ३ जना सामान्य घाइते भएको प्रहरीले जनाएको छ ।