०२ असार २०८३, मंगलबार
काठमाडौं उपत्यकामा कोरोना भाइरसका संक्रमितको संख्या दुई हजार नाघेको छ।
स्वास्थ्य तथा जनसंख्या मन्त्रालयका अनुसार काठमाडौंमा १ हजार ७ सय ५, ललितपुरमा २ सय ८२ र भक्तपुरमा १ सय ४७ गरी २ हजार १ सय ३४ जनामा कोरोना पुष्टि भइसकेको छ।
उपत्यकामा १० जना कोरोना संक्रमितको ज्यान गइसकेको छ।
उपत्यकामा २ सय ४१ जना उपचारपछि निको भएर घर फर्किसकेका छन्। काठमाडौँ जिल्लामा १ सय ६२, भक्तपुरमा ३५ र ललितपुरमा ४४ जना निको भएर घर फर्किएका हुन्।
उपत्यकामा अहिलेसम्म सक्रिय सङ्क्रमित एक हजार ८ सय ८३ जना छन्। सोमबार मात्रत्र उपत्यकामा १६८ जना सङ्क्रमित फेला परेका छन्। काठमाडौँमा १३९ जना, ललितपुरमा १५ र भक्तपुरमा १४ जना रहेका छन्।
