२८ जेठ २०८३, बिहीबार
फ्रान्समा केही समयदेखि घोडाहरूको वीभत्स हत्या गर्दै हिँड्ने एक व्यक्तिलाई प्रहरीले पक्राउ गरेको छ ।
जर्मनीसँगको सीमामा घोडाहरू मार्ने ५० वर्षीय ती व्यक्तिलाई एक घोडामालिकले लखेटेका थिए । उनैले दिएको स्केचको आधारमा प्रहरीले हत्यारालाई पक्राउ गरेको हो ।
घोडाहरू मार्दै हिँड्ने दुईमध्ये एक व्यक्ति उनै भएको योन्नेका क्षेत्रीय अभियोजनकर्ता अर्नाउ लाराइजले बताए ।
फ्रान्समा २० भन्दा बढी घोडाको कान काटिएको थियो । वीभत्स आक्रमणमा परी तीमध्ये अनेकौं घोडा मारिएका थिए ।
देशका विभिन्न भागमा अनेकौं आक्रमणकारीहरू घुमिरहेको देखिए पनि उनीहरूले कुनै काला जादूका लागि वा देखासिकी आक्रमणका लागि वा सामाजिक सञ्जालमा चुनौती दिने हिसाबमा यस्तो आक्रमण गरेका हुन् भन्ने स्पष्ट छैन ।
