०४ असार २०८३, बिहीबार
सरकारले विश्व कीर्तिमानी पर्वतारोही आङरिता शेर्पाको राष्ट्रिय सम्मान साथ अन्त्येष्टि गर्ने निर्णय गरेको छ ।
प्रधानमन्त्री निवास बालुवाटारमा मंगलवार बसेको मन्त्रिपरिषद् बैठकले ‘हिउँचितुवा’का नामले विश्वप्रसिद्ध शेर्पाको राष्ट्रिय सम्मानका साथ अन्त्येष्टि गर्ने निर्णय गरेको हो ।
परराष्ट्र मन्त्री तथा प्रवक्ता प्रदीपकुमार ज्ञवालीले राष्ट्रिय सम्मानसाथ पर्वतारोही शेर्पाको अन्त्येष्टि गरिने र सम्पूर्ण खर्च सरकारले व्यहोर्ने निर्णय गरिएको जानकारी दिए । बोटलमा लगिएको अक्सिजन विना नै १० पटक सगरमाथा आरोण गरी साहसिक पहिचान बनाएका शेर्पाको सोमवार ७२ वर्षको उमेरमा काठमाडौंको जोरपाटीमा निधन भएको हो ।
सरकारले निजामती कर्मचारीको आधिकारिक ट्रेड युनियनको निर्वाचन स्थगित गरेको छ । असोज २४ गतेका लागि निर्वाचन तय गरिएको थियो । जेठ १९ गते नै म्याद सकिएको ट्रेड युनियनको कार्यसमितिको म्याद वैशाख मसान्तसम्म थप समेत गरिएको जनाइएको छ ।
ट्रेड युनियनको निर्वाचनका लागि ११० ठाउँमा स्थापना गरिएको निर्वाचन कार्यालयका कर्मचारीको काज फिर्ताको निर्णयसमेत गरिएको छ । यसैगरी इजरायलमा ‘केयरगिभर’ पठाउन स्वीकृति प्रदान गरिएको जनाइएको छ । गोरखापत्र दैनिकमा खबर छ ।
