ठूलो संख्याका नेपाली समेत कार्यरत रहेको दक्षिण कोरियामा हाल कोरोनाभाइरसको सक्रिय संक्रमितको संख्या १९६२ जना रहेको कोरियाली सरकारले जनाएको छ ।
हालसम्म सो देशमा झण्डै २३ लाख जनाको कोरोना परीक्षण भएकोमा २३ हजार ६११ जनामा संक्रमण पुष्टि भएको छ । त्यसमा पनि हालसम्म २१ हजार २२४ जना निको भइसकेका छन् भने बाँकी संक्रमितको उपचार भइरहेको छ ।
कोरियामा हालसम्म ४०१ जनाको कोरोनाबाट मृत्यु हुँदा १२४ जनाको अवस्था गम्भीर समेत रहेको समाचारमा जनाइएको छ । कोरियामा केही नेपाली समेत कोरोना संक्रमित रहेको समाचारहरु आएका थिए ।