३० जेठ २०८३, शनिबार
सरकारले यसपालिको दशैंमा फोन वा अनलाइनबाटै आशीर्वाद लिन अपिल गरेको छ ।
स्वास्थ्य मन्त्रालयको नियमित प्रेस ब्रिफिङमा सरकारका प्रवक्ता डा. जागेश्वर गौतमले मन्यजनसँग आशीर्वाद लिने नाममा यात्रा नगर्न र धेरै बूढापाकाकोमा गएर टीका नलगाउन अपिल गरेका हुन् ।
'मान्यजनसँग आशीर्वाद लिने क्रममा यात्रा नगरौं र धेरै बूढापाकासँग गएर यसपटक टीका नलगाऔं । अनलाइन वा फोनबाट आशीर्वाद लिऔं,' उनले भने ।
उनले सपिङका नाममा भीडभाड नगर्न पनि अपिल गरे ।
'यसपालि दशैं संयमित भई भीडभाडमा सपिङ नगरी, भएकै लुगाकपडा सरसामानको उपयोग गरी घरमा पूजाआजा गरी मनाऔं । घरमै बनाइएका सामग्री खाऔं । घरमै बसेर पनि धुमधामले दशैं मनाउन सकिन्छ,' प्रवक्ता गौतमले भने ।
पढ्नुहोस्, यो पनि :
यसपालि टीका थाप्न माइत-मावल र ससुराली जान नपाइने, जो जहाँ छ त्यहीँ दशैं !
