०९ असार २०८३, मंगलबार
काठमाडौं, २७ वैशाख — बलिउड अभिनेत्री कंगना रनावत कुरा नचपाइकन बोल्नका लागि प्रसिद्ध छिन् । हालै उनी एउटा समारोहमा देखिएकी थिइन् । त्यतिखेर उनले बाहुबलीका नायक प्रभाससँगको झगडाका बारेमा खुलेर कुरा गरिन् ।
त्यसबाहेक उनले बलिउडका स्टारहरूमाथि पनि व्यंग्य कसिन् ।
‘प्रभासले गजबको काम गरेको देख्दा म एकदमै खुशी छु । हामीले शुरुवाततिर धेरै झगडा गर्ने गरेका थियौं र एकचोटि ठूलो झगडा गरेपछि त हामी एकअर्कासँग बोल्न पनि छाड्यौं,’ उनले भनिन् ।
पछि उनले थपिन्, ‘मैले बाहुबली हेरेपछि उनको सफलताप्रति गौरवान्वित भएँ र उनीहरू पनि त्यस्तै अनुभव गर्छन् होला ।’
कंगना र प्रभासले ‘एक निरञ्जन’ नामक फिल्ममा सँगै काम गरेका थिए । तर फिल्म फ्लप भएको थियो ।
कंगनालाई हलिउडमा खेल्ने रुचि छ कि छैन भनी प्रश्न गरिएको थियो । उनले उत्तर दिइन्, ‘अहिले पश्चिममा गएर काम गर्नु बेवकुफी हो । डिजिटल मिडियाका कारण उनीहरूको हल व्यापार ध्वस्त भइरहेको छ ।’
‘तर अहिले एसिया चाहिँ हलिउड १५ वर्षअघि जस्तो थियो, उस्तै छ । यहाँ मनोरञ्जनका लागि राम्रो पैसा कमाउने अवसर छ । म त हलिउडको चारो टिप्दिनँ,’ कंगनाले थपिन् ।
भनेपछि कंगनाले प्रियंका र दीपिकालाई बेवकुफ भनेकी जस्तो देखिन्छ ।
एजेन्सी
