२३ जेठ २०८३, शनिबार
प्रमुख प्रतिपक्षी दल नेपाली कांग्रेसका सांसद बालकृष्ण खाणले पनि दशैं भत्ता फिर्ता गरेका छन् ।
आइतवार सामाजिक सञ्जाल फेसबुकमा लेख्दै खाणले भत्ता फिर्ता गर्ने जनाएका हुन् ।
'अहिलेको विषम अवस्था र आम नेपालीले भोग्नुपरेको अभाव र पीडालाई ध्यानमा राख्दै जनप्रतिनिधिको रूपमा दशैं भत्ता लिन उचित लागेन । यो रकम संसद सचिवालयमार्फत सरकारलाई फिर्ता गर्दछु । सरकारले जनहितमा उपयोग गरोस्,' उनले लेखेका छन् ।
लोकान्तरले पहिलोपटक 'जनता भोकभोकै सडकमा, कोरोनाकालमा सांसद र उनका पीएले बुझे दशैंभत्ता !' शीर्षकको समाचार प्रकाशित गरेपछि सांसदहरूले धमाधम दशैं भत्ता फिर्ता गर्न थालेका छन् ।
नेकपा र कांग्रेसका सांसदहरूले अहिले दशैंभत्ता नलिने या बाढी पहिरो पीडितलाई सहयोग गर्ने र भेन्टिलेटर किन्ने घोषणा गरेका हुन् ।
