नेकपा सांसद प्रभु साहले दशैं भत्ताबापत आएको रकम फिर्ता गर्ने घोषणा गरेका छन् ।

सांसद साहले सोमवार विज्ञप्ति जारी गरी खातामा आएको ६४ हजार ७० रुपैयाँ दशैं भत्ता फिर्ता गरेको उल्लेख गरेका हुन् ।

कोरोना महामारीका बेला जनता खान नपाएर भौँतारिरहेको अवस्थामा सांसदहरूले दशैं भत्ता बुझेको रकम लोकान्तर डटकमले सबैभन्दा पहिला प्रकाशित गरेको थियो ।

त्यसयता नेकपा र कांग्रेसले दशैं भत्ता फिर्ताको घोषणा गरिसकेका छन् ।