०८ असार २०८३, सोमबार
अमेरिकाबाट निस्कने पत्रिका द न्युयोर्करका संवाददाता जेफ्री टूबिनलाई ‘लाजमर्दो र मूर्खतापूर्ण भूल’ गरेकोमा निलम्बन गरिएको छ ।
आफ्ना सहकर्मीहरूसँग जूममा कल गर्दै गर्दा उनले लिंग प्रदर्शन गरेका थिए । पत्रिकाले घटनाको अनुसन्धान गरिरहेको छ ।
गत साता उक्त घटना भएको हो । न्युयोर्करका कर्मचारी र वाईएनसीवाई रेडियोबीच जूम कल हुँदै गर्दा टूबिनले मर्यादा बिर्सेका हुन् ।
आफूले क्यामरा बन्द गरेको जस्तो लागेको र जूम कलमा कसैले पनि आफूलाई नदेख्ने जस्तो लागेको टूबिनले एक बयान जारी गरेर बताए ।
‘मैले जूम भिडियो म्युट गरेको जस्तो लागेको थियो,’ उनले बताए । उनले पत्नी, साथीभाइ र सहकर्मीहरूसँग माफी मागेका छन् ।
टूबिनले पहिलापहिला पनि अनेकौं हर्कत गरेर चर्चा कमाउने गरेका थिए । उनको यो घटना सार्वजनिक भएपछि सामाजिक सञ्जालमा निकै मजाक उडाइएको छ ।
