२१ राजनीतिक संगठनहरुको कार्यगत एकताद्वारा आज काठमाडौंको माइतीघर मण्डलामा आयोजित कार्यक्रम स्थलबाट एक जना पक्राउ परेका छन् ।
 २१ संगठनमध्येको एउटा घटक ‘राष्ट्रिय जागरण मञ्च’का तर्फबाट उक्त कार्यक्रममा सहभागी भएका नरबहादुर कार्कीलाई प्रहरीले गिरफ्तार गरेको हो ।
संगठनले शान्तिपूर्ण रुपमा सम्पन्न भएको कार्यक्रममा गरिएको यो गिरफ्तारीको विरोध एवं भत्सर्ना गर्दै कार्कीलाई बिना सर्त रिहाइको एक विज्ञप्तिमार्फत माग गरेको छ ।