नेपाली कांग्रेसका तर्फबाट समानुपातिक सांसद मोहन पाण्डेले सोमवार पद तथा गोपनियताको शपथ लिने भएका छन् ।

सभामुख अग्निप्रसाद सापकोटाले सोमवार दिउँसो १ बजे संघीय संसद सचिवालय सिंहदरबारमा पाण्डेलाई पद तथा गोपनियताको शपथ गराउने कार्यक्रम रहेको संसद सचिवालयले जानकारी दिएको छ । 

कांग्रेसका समानुपातिक सांसद सूर्यबहादुर केसीको निधन भएपछि रिक्त स्थानमा निर्वाचन आयोगले पाण्डेलाई सांसद निर्वाचित भएको प्रमाणपत्र दिएको थियो । स्याङ्जाका पाण्डे यसअघि २०७० सालमा पनि सांसद बनेका थिए ।