प्रा डा भीष्मराज प्रसाईँको मेडिसिटी इन्टरनेशनल हस्पिटलमा आज साँझ निधन भएको छ । उनलाई मुटुमा समस्या आएपछि गत कात्तिक २८ गते सो हस्पिटलमा भर्ना गरिएको थियो ।

 नेपालमा मेडिकल कलेज स्थापनाको परिकल्पनाकार तथा प्रवर्तक मानिने उनी त्रिभुवन विश्वविद्यालय शिक्षण अस्पतालका संस्थापक कार्यकारी निर्देशक, चिकित्साशास्त्र अध्ययन संस्थानका डीन र त्रिविका शिक्षाध्यक्ष र राजपरिषद्का सदस्य पनि थिए ।

प्रा डा प्रसाईँका एक दर्जन जति साहित्यिक कृति प्रकाशित छन् । उनानब्बे वर्षीय प्रा डा प्रसाईँका श्रीमती, दुई छोरी र एक छोरा  छन् ।