दोलखा, ३१ वैशाख– आइतबार बिहान मतदान सुरु भएदेखि नै तनावग्रस्त रहेको दोलखाको मेलुङ गाउँपालिकामा चुनावी झडपका क्रममा गोली चल्दा एकजनाको मृत्यु भएको छ ।

दोलखाको मेलुङ गाउँपालिका अन्तर्गत सत्येश्वर मावि मतदान केन्द्रमा सुरक्षाकर्मीले गोली चलाएका थिए । 

सुरक्षाकर्मीको गोली लागेर मृत्यु हुनेमा स्थानीय नकुल भुजेल रहेको स्थानीयले जनाएका छन् । प्रहरीले भने यसको पृष्टि गरेको छैन । भुजेल नेपाली कांग्रेसका स्थानीय कार्यर्ता रहेको जनाइएको छ । 

स्थानीय प्रशासनले मतदान सामग्री लुट्न आएको समूहलाई रोक्न खोज्दा प्रहरीले गोली चलाउनुपरेको जनाएको छ ।