१० साउन २०८३, आइतबार
‘परदेशी’ चलचित्रले सफलता पाएपछि यसको दोस्रो सिरिज ‘परदेशी–२’को सुटिङ सुरु भएको छ । कोरोना भाइरसको संक्रमणले रोकिएको चलचित्र क्षेत्र अहिले विस्तारै गति लिन थालेसँगै परदेशी–२ ले पाल्पा आफ्नो सुटिङ शुरु गरेको हो ।
बिहीबारदेखि माथागढी गाउँपालिकाको विभिन्न स्थानमा चलचित्रको सुटिङ भइरहेको चलचित्र युनिटले जनाएको छ ।
लकडाउनअघि ७० प्रतिशत बढी सुटिङ सकिएको चलचित्रको अहिले स्वास्थ्य सुरक्षा मापदण्ड पालना गरेर बाँकी सुटिङ शुरु गरिएको युनिटले जनाएको छ ।
बिहीवार माथागढी –४ झडेवा देवगीर पुगेको सुटिङ युनिटलाई स्थानीयबासीले स्वागत गरेका थिए । झडेवा यस चलचित्रका निर्देशक नारायण रायमाझीको गाउँ पनि हो ।
स्थानीयको स्वागतपछि बिहीवार देवगीरमै चलचित्रको सुटिङ गरिएको थियो । बिहीवार अभिनेता दीलिप रायमाझीको दृश्य खिचिएको थियो । बिहीवार र शुक्रबार दुई दिन आफ्नो दृश्य सकेर दीलिप काठमाडौं फर्किएका छन् ।
