०८ साउन २०८३, शुक्रबार
सोमवार शेयर बजार (नेप्से) मा हरियाली छाएकाे छ । यस दिन परिसूचक ७२.२८ अंकले बढ्दै २००४.३९ विन्दुमा पुगेको छ ।
यस दिन कारोबार भएका सबै समूहको शेयर बढेपछि नेप्से २ हजार ४ दशमलव ३९ विन्दुमा पुगेको हो ।
सोमबार जीवन बीमा समूहको शेयर ६ सय ९८ अङ्कले, निर्जीवन बीमाको ४ सय ५, उत्पादन समूहको २ सय २४, व्यापारको १ सय ३०, माइक्रो फाइनान्सको १ सय २७, जलविद्युतको ९८, अन्यको ८०, होटलको ६० र बैंकिङ समूहको शेयर ३१ अङ्कले बढेको छ ।
सोमबार दुई सय ६ कम्पनीका एक करोड १९ लाख कित्ता शेयर ६ अर्ब ६६ करोड ७९ लाख रुपैयाँमा किनबेच भएका छन् । सबैभन्दा धेरै पुनर्बीमा कम्पनीको एक अर्ब पाँच करोड रुपैयाँको कारोबार भएको छ ।
सोमबार रसुवागढी हाइड्रो र नारायणी विकास बैंकका लगानीकर्ताले १० प्रतिशतका दरले कमाएका छन् । तर समग्र बजार बढे पनि एनआईसी एसिया डिबेञ्चरका लगानीकर्ताले दुई प्रतिशत गुमाएका छन् ।
