२१ जेठ २०८३, बिहीबार
बृद्ध बा–आमाको सम्पत्ति हत्याएर उनीहरुलाई घरविहीन बनाउने छोराछोरीविरुद्ध योगी सरकारले कडा एक्सन लिने भएको छ ।
यस्ता छोराछोरीविरुद्ध कडा कानुन बनाएर कार्यान्वयन गर्ने उत्तर प्रदेश सरकारले जनाएको छ ।
योगी खादित्यनाथको सरकारले बृद्ध आमाबाबु तथा ज्येष्ठ नागरिकको भरणपोषण एवं कल्याण नियमावली–२०१४ अनुसार सम्पत्तिबाट विमुख बनाउनका लागि संशोधनको तयारी गरेको छ ।
यस ऐन अनुसार जो छोराछोरीले आफ्ना आमाबाबुको हेरचाह गर्दैनन् तीनीहरुले अब कानुनी रुपमा पैतृक सम्पत्ति नपाउने गरी संशोधन गर्न लागिएको हो ।
उत्तर प्रदेशको स्टेट ल कमिसनले शासन संशोधनको ड्राफ्ट तयार गरेर संसदमा रिपोर्ट पेश गरिएको छ ।
यो नियमावली २०१४ मै बनेको थियो । तर, यसमा बृद्ध आमाबाबु र ज्येष्ठ नागरिकको सम्पत्ति सुरक्षित गर्नका लागि विस्तृत कार्यायोजना बनाइएको थिएन ।
बृद्ध आमाबाबुलाई सम्पत्ति हत्याएपछि घरबाट निकाल्ने गरेको अदालतमा भएका फैसलाबाट जानकारी हुन आउँछ ।
या त उनीहरुको ख्याल राख्नुको साटो आफ्नै आमाबाबुलाई पराईको जस्तो व्यवहार गर्दै आएको पाइएको छ ।
बृद्ध आमाबाबु र ज्येष्ठ नारिकको भरण पोषण र उनीहरुको सुरक्षाका लागि योगी सरकारले यो नियमावली संशोधनको तयारी गरेको हो ।
संशोधनपछि जो सम्पत्ति हत्याएर आमाबाबुलाई सहाराविहीन बनाउँछन्, उनीहरुको नाममा गइसकेको पैतृत सम्पत्ति पनि फिर्ता गर्नुपर्नेछ । एजेन्सी
