०९ असार २०८३, मंगलबार
सन् २०२० बलिउड इन्डस्ट्रीका लागि सबैभन्दा खराब भयो । यही वर्ष कैयौं स्टारहरुको मृत्यु भयो । कैयौंले त आत्महत्या गरेर आफ्नो जीवन समाप्त पारेका छन् ।
केही दिनअघि मात्रै एउटी दक्षिण भारतीय अभिनेत्रीको आत्महत्याको खबरपछि अहिले बलिउडकी अर्की अभिनेत्रीको पनि मृत्युको खबर आएको छ । ‘द डर्टी पिक्चर’ फिल्ममा विद्या बालनका साथ काम गरेकी अभिनेत्री आर्य बनर्जी मृत्यु भएको छ । जसले सबैलाई हरानीमा पारेको छ ।
उनको शव दक्षिण कोलकाताको जोधपुर पार्कस्थित आवासमा पाइएको छ । प्रहरीले घटनास्थलमा शव विस्तरामा पल्टिएको र रगत लतपतिएको थियो ।
प्रहरीले बाहिरबाट ढोका फोडेर भित्र पसेको थियो । उनको नाकबाट रगत निस्किएको थियो, नजिकै वान्ता भएको पनि पाइएको छ ।
उनका मेडले आर्यालाई केही अचानक भएको भन्दै प्रहरीलाई खबर गरेका थिए । ‘म काममा पुगेपछि अभिनेत्रीलाई फोन गरेँ, तर फोन उठेन । ढोका पनि नखुलेपछि मैले प्रहरीलाई खबर गरेको हुँ,’ मेडले भने ।
प्रहरी अहिले मृत्युको कारणबारे छानबिन गरिहेको छ । शवलाई पोस्टमार्टमका लागि अस्पताल पठाइएको प्रहरीले जनाएको छ । आर्य बनर्जी मशहुर सितारवाद निखिल बनर्जीकी छोरी हुन् । आर्यको वास्तविक नाम देवदत्ता थियो ।
प्रहरीका अनुसार बनर्जी आफ्नो घरमा एक्लै कुकुरको साथमा रहन्थिन् । उनकी दिदी सिंगापुरमा बस्दै आएकी छन् । उनको घरबाट कैयौं रक्सीका बोतलहरू पनि फेला परेका छन् । केही दिनदेखि अनलाइन डेलिभरी मार्फत खाना मगाउन गरेको प्रहरीले बताएको छ ।
उनले आफ्नो फिल्मी करिअर ‘लभ, सेक्स र धोका’ फिल्मबाट शुरु गरेकी थिइन् । त्यसपछि उनी ‘द डर्टी पिक्चर’मा देखिएकी हुन् ।
