०९ साउन २०८३, शनिबार
नेपाली कांग्रेसका उपसभापति विमलेन्द्र निधिले मंगलवार राष्ट्रपतिबाट जारी भएको संवैधानिक परिषद्सम्बन्धी अध्यादेश स्वीकार्य नहुने बताएका छन् ।
उनले अध्यादेशलाई संविधान र प्रणालीमाथि नाङ्गो आक्रमण भनेका छन् ।
अध्यादेश जारी भएपछि सामाजिक सञ्जाल ट्विटरमा सन्देश लेख्दै निधिले अध्यादेश संविधान र प्रणालीमाथिको नांगो आक्रमण भन्दै भत्र्सना गरेका हुन् ।
‘आज अचानक आएको संवैधानिक परिषद्सम्बन्धी अध्यादेश सर्वसत्तावादी र अधिनायकवादी काम हो । संविधान र प्रणालीमाथि नाङ्गो आक्रमण हो। घोर भत्र्सना गर्दछु। यो अध्यादेश स्वीकार्य हुँदैन,’ निधिले लेखेका छन् ।
मंगलवारका लागि बोलाइएको बैठक सभामुखले बहिस्कार गरेपछि परिषद्को बैठकमा कोरम पुर्याउन सरकारले अध्यादेश ल्याएको हो ।
सरकारले ल्याएको अध्यादेश राष्ट्रपति विद्यादेवी भण्डारीले मंगलवार जारी गरेकी छिन् ।
परिषद्को बिहानको बैठकमा सहभागी भएका प्रमुख प्रतिपक्षी दल नेपाली कांग्रेसका सभापति शेरबहादुर देउवा पनि साँझको बैठकमा सहभागी नहुने भएका छन् ।
रिक्त संवैधानिक निकायमा नियुक्तिका लागि परिषद्को बैठक साँझ ५ बजे पुनः बस्दैछ ।
