बिहारको कटिहारमा एक प्रेम जोडीलाई चरम यातना दिएको विभत्स तस्वीर सार्वजनिक भएको छ ।

१ सेप्टेम्बरमा प्रेमी युगल जोडीलाई पक्राउ गरेपछि ग्रामीणले तालिबानी आतंकवादी शैलीमा यातना दिएका छन् ।

 यस प्रकारको अमानवीय घटना कटिहारको केलाबाडी गाउँको आदीवासी टोलको हो । जसको भिडियो तिव्र गतिमा भाइरल भइरहेको छ ।

भिडियो मानवतामाथि नै प्रश्न उब्जाउने खालको छ । एक प्रेमी  आफ्नी प्रेमिकासँग भेटघाटका लागि मध्यराति केलाबाडीको आदीवासी टोल पुगेका थिगए । 

स्थानीयलाई यसको जानकारी पहिल्यैदेखि थियो । समयमै स्थानीयले दुवै जनालाई पक्राउ गरे । पक्राउपछि हातखुट्टा बाँधेर रातभर कुटपिट गरे ।

बिहान कपाल खौरिदिए र पूरा गाउँ घुमाए ।  यातना यतिकैमा सिमित रहेन । प्रेमी प्रेमिका दुवैलाई नाङ्गै बनाए  र दुवैको गुप्ताङ्गमा तातेको फलामको रडले डामे । 

उनीहरु यो सब क्रियाकलापको तस्वीर पनि खिचे । स्थानीय युवकले युवतीमाथि सामूहिक बलात्कार परे र त्यहाँ रहेका सबैले मोबाइलमा भिडियो पनि बनाए ।

ताकि भिडियो भाइरल गर्न सकियोस् । यतिमा पनि पञ्चायतले मानेन । र ८० हजार रुपैयाँ जरिवाना तिराए । 

पीडित पक्षका मानिसले ५० हजार रुपैयाँ जरिवाना तिरेर प्रेमी प्रेमिका दुवैलाई त्यहाँबाट बचाए । पीडित युवकको अस्पतालमा उपचार चलिरहेको छ ।

आदिवासीको यो हर्कत कुनै आतंकवादी गतिविधि भन्दा कम नभएको त्यहाँका मानवअधिकारवादीले बताएका छन् । 

अहिले प्रहरीले यो घटनाका विषयमा छानबिन गरिरहेको छ । भिडियोमा देखाइएको तस्वीरको पहिचान गर्ने कार्यमा प्रहरी जुटेको छ ।

२४ घण्टाभित्र सबै आरोपीलाई गिरफ्तार गरेर प्रहरीले सोधपुछ गरिरहेको छ ।