०३ असार २०८३, बुधबार
टर्कीको दक्षिणपूर्वमा रहेको नेभेशिर सिटी हलमा सोमवार भेडा, बाख्रा र पाठाहरूले फार्मबाट निस्केर हंगामा मच्चाएका छन् ।
सामाजिक सञ्जालमा शेयर गरिएको सीसीटीभी फूटेज हेर्दा भेडाबाख्राहरू बिहान ८ः२४ मा सिटी हल पसेको देखिन्छ ।
उनीहरू सिटी हलको भर्याङ चढेका थिए र सुरक्षा गार्डहरूलाई लखेटेका थिए ।
हसन उनबुलन नामक कृषकका ती भेडाबाख्रा आइतवार राति खोरबाट भागेका थिए ।
भिडियोमा दुईजना गार्डलाई भेडाबाख्राले लखेटेको देखिन्छ ।
गार्डहरू सिटी हलको भवनभित्र भागेको देखिन्छ ।
कार पार्कमा एकजना मानिस देखिँदा भेडा उसतिर हान्निँदै आएको र ऊ कारपछाडि लुकेको देखिन्छ ।
भेडाबाख्राले भवनको अर्को छेउमा सिटी हलका कामदारहरूलाई आतंकित बनाइरहेको देखिन्छ ।
एकजना मानिसले भेडाको सिंग समातेर धकेल्न खोज्छ अनि ढोकातिर भाग्छ ।
पछि भेडाबाख्रालाई नियन्त्रणमा लिइएको थियो ।
स्थानीय अधिकारीहरूले ट्विटरमा भिडियो अप्लोड गर्दै यसो लेखेका थिए, ‘हामीलाई भेडा, बाख्रा र तीन पाठाले बन्दी बनाएका छन् ।’
