१३ असार २०८३, शनिबार
फ्रान्सका राष्ट्रपति इम्मानुएल म्याक्रों कोरोना पोजिटिभ पाइएको उनको कार्यालयले जनाएको छ ।
लक्षण देखिएपछि म्याक्रोंले स्वास्थ्य परीक्षण गराउँदा कोरोना पोजिटिभ पाइएको र सात दिनसम्म आइसोलेसनमा बस्ने एलीजी प्यालेसले एक बयान जारी गरेर जानकारी दियो ।
म्याक्रोंले आइसोलेसनमै रही देश चलाउने एक अधिकारीले जानकारी दिएका छन् ।
फ्रान्समा कोरोनाका केसहरू बढेपछि करफ्यु लगाइएको छ ।
महामारी शुरू भएदेखि फ्रान्समा २० लाख केस पुष्टि भइसकेका छन् भने ५९ हजार ४०० भन्दा बढीको मृत्यु भइसकेको छ ।
म्याक्रोंलाई कसरी कोरोना लागेको भनी खुलेको छैन तर उनीसँग सम्पर्कमा रहेकाहरूलाई पहिचान गर्ने काम भइरहेको छ ।
