२९ जेठ २०८३, शुक्रबार
पूर्व सभामुख कृष्णबहादुर महरालाई नेपाल कम्युनिस्ट पार्टी (नेकपा) को स्थायी कमिटी सदस्यमा सिफारिस गर्ने नेकपाले निर्णय गरेको छ ।
आज बसेको बैठकले महरालाई स्थायी कमिटी सदस्यमा सिफारिस गर्ने निर्णय गरेको नेकपाका प्रवक्ता नारायणकाजी श्रेष्ठले जानकारी दिए ।
बलात्कार आरोप लागेपछि सभामुखसँगै स्थायी कमिटी सदस्यबाट समेत राजीनामा दिएका महरालाई अब नेकपाले पुनः स्थायी कमिटीमा ल्याउने निर्णय गरेको हो ।
पछिल्लो राजनीतिक गतिरोधका बीच प्रचण्डका विश्वासपात्रसमेत रहेका महरालाई स्थायी कमिटीमा ल्याउने निर्णय गरिएको हो ।
प्रवक्ता श्रेष्ठले आजको निर्णयलाई केन्द्रीय कमिटीमा लैजाने जानकारी दिए ।
