२१ जेठ २०८३, बिहीबार
नेपालमा पछिल्लो २४ घण्टाको अवधिमा सात सय ४२ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार देशभरीका प्रयोगशालामा गरिएको ६ हजार ३ सय ५१ पीसीआर मध्ये सातसय ४२ जनामा कोरोना पुष्टि भएको हो ।
यो संख्यासँगै अहिलेसम्म नेपालमा कोरोना संक्रमित हुनेको संख्या दुई लाख ५४ हजार ५ सय १४ पुगेको छ ।
यस्तै मन्त्रालयले सोमबार एक हजार ७९ जना कोरोनाको संक्रमणबाट मुक्त भएको जनाएको छ ।
योसँगै नेपालमा हालसम्म कोरोना मुक्त हुनेको संख्या दुई लाख ४४ हजार सातसय ४३ जना पुगेको छ ।
पछिल्लो २४ घण्टामा थप ७ जना संक्रमितको मृत्यु भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार हालसम्म नेपालमा कोरोना भाइरसको संक्रमणबाट मृत्यु हुनेको संख्या एक हजार सातसय ९५ पुगेको छ ।
