२१ जेठ २०८३, बिहीबार
प्रधानमन्त्री एवं नेकपा अध्यक्ष केपी शर्मा ओली पक्षले पार्टी प्रवक्ताको जिम्मेवारी स्थायी कमिटी सदस्य प्रदीप ज्ञवालीलाई दिएको छ ।
प्रधानमन्त्री निवास बालुवाटारमा मंगलवार बसेको ओली पक्षीय केन्द्रीय सदस्यको बैठकले ज्ञवालीलाई प्रवक्ता बनाउने निर्णय गरेको थियो ।
नेकपाको प्रवक्ता नारायणकाजी श्रेष्ठ छन् ।
‘पार्टी प्रवक्ताको काम आधिकारिक विचार सम्प्रेषण गर्ने हो, व्यक्तिगत विचार प्रस्तुत गर्ने होइन, आधिकारीक विचार प्रस्तुत गर्ने जिम्मेवारी अध्यक्षले मलाई दिनुभएको हो,’ प्रवक्ताको जिम्मेवारी पाएका ज्ञवालीले भने ।
प्रवक्ता ज्ञवालीले नेकपा विभाजन नभएको बताए ।
उनले अध्यक्ष, महासचिव र माइन्युटविनाको बैठकको वैधानिकता नहुने भन्दै प्रचण्ड–नेपाल समूहले ओलीमाथि गरेको अनुशासनको कारवाहीको औचित्य नभएको बताए ।
ओलीपक्षीय केन्द्रीय सदस्यको भेलाले आगामी २०७८ मंसिर २ गतेदेखि पार्टीको एकता महाधिवेशन गर्ने निर्णय गरेको छ ।
