१९ असार २०८३, शुक्रबार
नेकपा कार्यकारी अध्यक्ष पुष्पकमल दाहाल ‘प्रचण्ड’ तथा वरिष्ठ नेता माधवकुमार नेपाल पक्षले मंगलवारको केन्द्रीय कमिटी बैठकमा ३१० केन्द्रीय सदस्य उपस्थित भएको दावी गरेको छ ।
बबरमहलस्थित कार्की ब्याङ्क्वेटमा बसेको बैठकमा ३१० जना केन्द्रीय सदस्य उपस्थित भएका नेताहरूले दावी गरेका छन् ।
केन्द्रीय समिति सदस्यहरूको भेलालाई सम्बोधन गर्दै वरिष्ठ नेता नेपालले आफूहरूको बैठक आधिकारिक भएको बताए । उनले प्रधानमन्त्री निवास बालुवाटारमा मंगलवार बिहान भएको बैठक केही सदस्यहरूको भेला भएको जिकीर गरे ।
प्रचण्ड–नेपाल समूहको भेलाले प्रधानमन्त्री एवं अध्यक्ष केपी शर्मा ओलीलाई अनुशासनको कारवाही लगायत एजेण्डा तय गरेको छ । यसअघि दुवै पक्षको सहमतिमा पुस १० गतेका लागि केन्द्रीय कमिटीको बैठक बोलाइएकोमा प्रतिनिधिसभा विघटनपछि हतारमा मंगलवारका लागि बैठक बोलाइएको थियो ।
मंगलवार बिहान बालुवाटारमा ओली पक्षका केन्द्रीय सदस्यहरूको बैठक बसेको थियो । बैठकले केन्द्रीय कमिटीलाई १ हजार १९९ सदस्यीय बनाउने निर्णय गरेको छ ।
