२६ जेठ २०८३, मंगलबार
नेकपा अध्यक्ष पुष्पकमल दाहाल 'प्रचण्ड'ले सचिवालय सदस्य रामबहादुर थापा बादल झुक्किएर अर्को समूहमा पुगेको टिप्पणी गरेका छन् ।
नेकपामा आफूहरूको आधिकारिकता दाबीका लागि निर्वाचन आयोग पुगेर फर्किएपछि बबरमहलस्थित कार्की ब्याक्वेटमा आयोजित पत्रकार सम्मेलनमा अध्यक्ष प्रचण्डले बादल झुक्किएर ओलीको खेमामा पुगे पनि पछि फिर्ता हुने दाबी गरे ।
साथै प्रचण्डले बादलले ओली पक्षीय नेकपाको बैठकमा गरेको भाषणप्रति पनि कटाक्ष गरे । आफूहरूको बैठकमा सहभागी हुन तयार पारेको भाषण उता पुगेर गरेको उनको कटाक्ष थियो ।
'यता आउनका लागि तयार पारेको भाषण उता गएर गर्नुभएछ,' उनले भने, 'झुक्किएर उता पुग्नुभएको होला, यतै आउनुहुन्छ ।'
