कोरोनाको नयाँ स्ट्रेन फैलिएपछि दक्षिण अफ्रिकाले मदिराजन्य पदार्थ बिक्री वितरणमा अनिश्चितकालीन प्रतिबन्ध लगाएको छ ।

बेलायतपछि नै दक्षिण अफ्रिकामा देखिएको थियो । मदिरा सेवनले जोखिम बढाउने मात्रै नभई भीड जम्मा हुने भएकाले पनि तत्काल प्रतिबन्ध लगाइएको हो ।

बेलायतबाट शुरु भएको कोरोना भाइरसको नयाँ रुप फैलिन थालेपछि सबै देशले उच्च सतर्कता अपनाएका छन् ।

 गत महिनादेखि बेलायतमा कोरोना भाइरसको नयाँ स्ट्रेन देखिएको थियो । अहिले अधिकांश यूरोपियन देशमा देखिएको छ ।

साथै बेलायतबाट आएका ६ जना भारतीयमा पनि कोरोना नयाँ स्ट्रेनको संक्रमण देखिएको छ ।

अधिकांश देशले बेलायत भ्रमण र त्यहाँबाट आउने सबै प्रकारका सवारीमा प्रतिबन्ध लगाएका छन् ।