२५ जेठ २०८३, सोमबार
२०२० बलिउडका लागि मात्रै होइन पूरै दुनियाका लागि अत्यासलाग्दो साबित भयो । कोरोना महामारीका बीच विश्वभर लकडाउन लागू गरियो ।
लकडाउनमा सिनेमा हल बन्द भए, सोहि कारण धेरै चलचित्र हलमा लाग्न पाएनन् ।
तथापी, यस साल बलिउडमा केहि अभिनेत्रीहरुले बलिउडमा डेब्यु गरे, जसको अभिनय र उनीहरुको कलाकारिता क्षमता देखेर बलिउडमा चम्किन सक्ने सम्भावना देखिएको छ ।
सञ्जना सांघी
इम्तियाज अलीको चलचित्र ‘रकस्टार’मा एउटा मुख्य कलाकारको भूमिकामा काम गरे पनि सञ्जना सांघीको खासै चर्चा भएन ।
तथापी, अहिले उनलाई धेरैले चिन्छन् । सञ्जनाले २०२० मा दिवंगत कलाकार सुशांत सिंह राजपूतको साथमा चलचित्र ‘दिल बेचारा’ फिल्मबाट बलिउडमा डेब्यू गरेकी थिइन् ।
चलचित्रमा सञ्जनाले एक क्यान्सर पीडित युवतीको भूमिका निभाएकी छन् । उनको अभिनयलाई धेरैले मन पराए ।
त्यसपछि उनको चर्चा निकै बढ्यो । पछिल्लो समय उनलाई केही चलचित्रको अफर आएको बुझिएको छ ।
अलाया एफ
पुजा बेदीकी छोरी तथा कवीर बेदीकी नातीनी अलाया एफको बलिउडमा कसरी डेब्यू हुन्छ भनेर निकै चर्चा गरिन्थ्यो ।
अलायाले सैफ अली खानको ‘जवानी जानेमन’ का साथ चलचित्र उद्योगमा पाइला चालिन् ।
अलायाको अभिनयलाई दर्शकदेखि समिक्षकसम्मले मन पराए । उनी बलिउडमा लामो समय टिक्नसक्ने सम्भावना समिक्षकहरुले गरेका छन् ।
आरुषि शर्मा
इम्तियाज अलीको चलचित्र ‘तमाशा’ मा एक सानो भूमिका निभाएसँगै आरुषि शर्माले २०२० मा बलिउडमा डेब्यू गरिन् ।
आरुषिले इम्तियाजको चलचित्र ‘लव आज कल’मा कार्तिक आर्यनको साथमा बलिउड यात्रा थालनी गरेकी हुन् ।
आदिल खान
बलीउडका पावरफूल निर्देशक विधु विनोद चोपडाको चलचिबाट आदिल खानले २०२० मा बलिउडमा डेब्यू गरेका छन् । आदिलको पहिलो चलचित्र ‘शिकारा’ हो ।
जो कश्मिर पीडितको पलायनपछिको घटनामा आधारित चलचित्र हो । आदिलले चलचित्रमा एक कश्मीरी युवकको भूमिका निभाएका छन्, जसलाई दर्शकले खुबै मन पराए ।
सादिया खतीब
आदिल खानको साथ सादिया खतीबले पनि यसैवर्ष बलिउड डेब्यू गरिन् । ‘शिकारा’ सादियाको पहिलो चलचित्र हो, जहाँ उनले आदिलको पत्नीको भूमिकामा काम गरिन् ।
चलचित्रमा सादियाको अभिनयलाई सबैले मन पराए । साथै उनको अभिनयलाई लिएर निकै तारिफ गरियो ।
