१८ असार २०८३, बिहीबार
भ्याली कोण्ड स्टोरका सञ्चालक अपहरणपछि साढे एक करोड फिरौती असूली गरेको प्रकरणमा संलग्न एक जनालाई १२ वर्ष पछि प्रहरीले पक्राउ गरेको छ ।
भारतको दार्जलिङमा नाम परिर्वन गरि ‘प्रकाश’ राखेर बस्दै आएका सर्लाहीका कुमार बुढाथोलीलाई पक्राउ गरेको केन्द्रीय अनुसन्धान ब्यूरोका प्रमुख प्रहरी नायब महानिरीक्षक (डीआइजी) सहकुल थापाले बताए ।
२०६५ साल पुष १ गते अपहरण गरि साढे एक करोड फिरौती माग्ने उदय सेठ्ठी र प्रल्लाहद महतको समूहमध्येका एक सदस्य बुढाथोकी रहेको प्रहरीले जनाएको छ ।
उक्त अपहरणमा संलग्न सेठ्ठी, महत, विष्णु जिसी, टासी गुरुङ र विकास कार्कीलाई २०६६ सालको पुषमा महानगरीय अपराध महाशाखाले पक्राउ गरेर उनीहरुको संगठन ध्वस्त पारेको थियो ।
