प्रधानमन्त्री एवं नेकपा अध्यक्ष केपी शर्मा ओलीले पुष्पकमल दाहाल 'प्रचण्ड'- माधवकुमार नेपाल समूहले सडकमा लगाएका नाराको भाषाप्रति आपत्ति जनाएका छन् । उनले मानवीय संवेदना र मर्यादा ख्याल गर्न सुझाव दिए । 

शनिवार काठमाडौं जिल्लाका नेकपा कार्यकर्तालाई सम्वोधन गर्दै ओलीले प्रचण्ड नेपाल समूहले लगाएको नाराका कारण देख्नेलाइ लाज भएको बताएका हुन् ।

‘उनीहरुका जुलुसका नारा सुन्नु भएको होला, मैले धेरै वर्ष अगाडि भनेको थिए गोरु नागां हिड्दा मलाइ लाज लाग्दैन’ ओलीले भने, ‘नारा लगाउदा मानवीय सम्यता र मर्यादा ख्याल गरे। हुन्थ्यो, देख्नेहरुलाई लाज भइसक्यो, उहाँहरुका कृत्यले ।’

सडक आन्दोलनका क्रममा प्रचण्ड नेपाल समूहका कार्यकर्ताले राष्टपति विद्या भण्डारी र प्रधानमन्त्री ओलीविरुद्ध चर्का नारावाजी गरेका थिए ।