३० जेठ २०८३, शनिबार
पछिल्लो २४ घण्टामा देशभर थप ४८८ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयले सार्वजनिक गरेको विवरण अनुसार ५ हजार ३०९ जनाको पीसीआर परीक्षण गर्दा २९६ पुरुष र १९२ महिलामा संक्रमण पुष्टि भएको हो ।
अद्यावधिक विवरण अनुसार हालसम्म नेपालमा कूल संक्रमितको संख्या २ लाख ६५ हजार २६८ पुगेको छ । जसमध्ये २ लाख ५८ हजार ९६८ संक्रमित निको भइसकेका छन् ।
नेपालमा कोरोना निको हुने दर ९७.६% रहेको मन्त्रालयले जनाएको छ । पछिल्लो २४ घण्टामा ५२७ संक्रमित निको भएका छन् ।
हाल देशभर सक्रिय संक्रमितको संख्या ४ हजार ३७३ रहेको छ भने क्वारेन्टीनमा २३७ जना रहेका छन् ।
कोरोनाले थप १० जनाको मृत्यु भएको छ । यससँगै मृत्यु हुनेको कूल संख्या १ हजार ९२७ पुगेको मन्त्रालयले जनाएको छ ।
राजधानी काठमाडौं उपत्यकामा ३१४ संक्रमित थपिएका छन् । जसमध्ये महिला १२९ र पुरुष १८५ रहेका मन्त्रालयले जनाएको छ ।
