२३ असार २०८३, मंगलबार
प्रधानमन्त्री केपी शर्मा ओलीले भारतीय टेलिभिजन जी न्युजमा दिएको अन्तर्वार्तालाई लिएर सामाजिक सञ्जालमा चर्चा शुरू भएको छ ।
ओलीको अन्तर्वार्ता मंगलवार राति हिन्दी भाषामा प्रसारण भएको थियो ।
विगतमा नेपालविरुद्ध अफवाह फैलाउने गरेको आरोप लागेका जी न्युजका सम्पादक सुधीर चौधरीले ओलीसँग अन्तर्वार्ता गरेका थिए ।
अन्तर्वार्ताका क्रममा ओलीले भारत नेपालको ठूल्दाइ नभएको, प्रधानमन्त्री नरेन्द्र मोदी ठूलो र आफू सानो प्रधानमन्त्री नभएको बताएका थिए ।
ओलीले पूर्वीय दर्शन र आध्यात्मबारे दिएको प्रवचनको चर्चा भएको छ । ओलीले डटेर नेपालको पक्षमा बोलेको भन्दै सामाजिक सञ्जालमा कतिपयले सन्देश लेखेका छन् ।
नेपाली कांग्रेसका नेता लोकेश ढकालले लेखेका छन्, ‘जी न्युजको डीएनएमा कार्यक्रम प्रस्तोता सुधीर चौधरीसँग प्रम केपी ओलीको अन्तर्वार्तामा उनको प्रस्तुतीलाई म स्यालुट गर्छु । उनको सबै विचारमा सहमति हुन नसकिएला, आफैंले भनेका छन्, टुटेफुटेको हिन्दी होला तर इतिहास र संस्कृतिको तथ्यसहित देशको स्वार्थमा उनको प्रस्तुति बेजोड थियो ।’
ZEE TV को DNA मा कार्यक्रम प्रस्तोता सुधीर चौधरीसंग प्रम केपी ओलीको अन्तरवार्तामा उनको प्रस्तुतीलाई म स्यालुट गर्छु । उनको सबै विचारमा सहमती हुन नसकिएला, आँफैले भनेका छन् टुटेफुटेको हिन्दी होला तर इतिहास र संस्कृतिको तथ्य सहित देशको स्वार्थमा उनको प्रस्तुति वेजोड थियो । pic.twitter.com/8O0rRQsSeP
— Lokesh Dhakal (@lokesh_dhakal) January 11, 2021
नेकपा नेता एवं पूर्वमन्त्री गोकुल बास्कोटाले ट्विटरमा लेखेका छन्, ‘अब प्रम ओलीले दिन्दीमा बोल्नु गलत भो भनेर आन्दोलन गर्ने होलान् प्रचण्ड टोलीले । अथवा डा. रावलले नयाँ थेसिस लेख्लान् ओलीको लम्पसार राष्ट्रवादबारे । जनता त प्रम ठीक छन् भन्दैछन् ।’
अब प्रम ओलीले दिन्दीमा बाेल्नु गलत भाे भनेर आन्दाेलन गर्ने हाेलान प्रचण्ड टाेलीले।अथवा डा•रावलले नयाँ थेसिस लेख्लान ओलीकाे लम्पसार राष्ट्रवाद वारे।जनता त प्रम ठिक छन भन्दै छन।
— Gokul Prasad Baskota (@GokulPBaskota) January 12, 2021
