१९ असार २०८३, शुक्रबार
अमेरिकी संसदमा राष्ट्रपति डोनाल्ड ट्रम्पविरुद्ध परेको महाअभियोग प्रस्तावमाथि बुधवार मतदान हुनुअघि वासिङ्टन डिसीमा संकटकाल घोषणा गरिएको छ ।
राष्ट्रपति ट्रम्पले ११ देखि २४ जनवरीसम्म वासिङ्टनमा संकटकाल लगाएका छन् ।
यसअघि ट्रम्पको उक्साहटमा संसद भवनमा हिंसा भड्किएको आरोप समेत छ । ट्रम्पलाई राष्ट्रपतिबाट तत्काल हटाउन महाअभियोग प्रस्ताव दर्ता गरिएपछि संकटकाल घोषणा गरिएको छ ।
नवनिर्वाचित राष्ट्रपति जो बाइडनले वासिङ्टनमा २० जनवरीमा शपथ लिने कार्यक्रम तय भएको छ । ट्रम्पको घोषणा कायमै रहे बाइडनले संकटकालबीच शपथ खानुपर्ने भएको छ । संकटकालका कारण हिंसा भड्किएमा शपथ कार्यक्रम प्रभावित हुनसक्ने अनुमान समेत लगाउन थालिएको छ ।
गत हप्ता अमेरिकी संसद् भवनमा भएको हिंसामा ५ जनाको मृत्यु भएको थियो ।
