विश्वकै सबैभन्दा धनी एलन मस्क  त्यतिबेलासम्म उनी खुसी हुनेछैनन्, जबसम्म मानिसलाई मंगलग्रहसम्म पु¥याउन सक्नेछैनन् । उनले २०१६ मा यस्तो बताएका थिए, ‘हामीले त्यतिबेलासम्म खुसी मनाउन हुँदैन । जबसम्म हामी मंगलमा आफ्नो बस्ती बसाउन सक्दैछौं ।’
एक वर्षअघि अर्थात् जनवरी २०२० मा ब्लुमबर्गले तयार गरेको विश्वका धनाढ्यहरुको सुचीमा मस्क ३५ आंै नम्बरमा थिए । तर १० महिनामा उनले बिल गेट्सलाई पछि पारे, अहिले जेफ बेजोसलाई उछिनेर पहिलो नम्बरमा छन् ।

ब्लुमबर्गका अनुसार बिहीबार टेस्लाको शेयरको मुल्यमा ४ दशमलव ८ प्रतिशतले वृद्धी भयो र मस्कको कुल सम्पत्ती १८८ दशमलव ५ अर्ब डलर पुग्यो । अमेजनका मालिक जेफ बेजोसको सम्पत्ती १८७ अर्ब डलर छ ।
एलन मस्कको जन्म २८ जून १९७१ मा दक्षिण अफ्रिकाको प्रिटोरियामा भएको थियो । उनकी आमा माये मस्क क्यानेडियन मोडल हुन् । दक्षिण अफ्रिकी मुलका बाबु एरोल मस्क इलेक्ट्रो मेकानिकल इन्जिनियर हुन् । एलन जब ९ वर्षका थिए, तब उनका बाबु–आमाको डिभोर्स भयो । १० वर्षको उमेरमा उनले कम्प्युटर कोडिङ कोर्स सिके । त्यसपछि उनले ‘ब्लास्टर’ नामको भिडियो गेम बनाए । उनले यस गेमलाई १२ वर्षको उमेरमा ५ सय डलरमा बेचेका थिए ।
एलनसँग दुुईवटा डिग्री छन् । उनले इकोनोमिक्समा एउटा र फिजिक्समा अर्को डिग्री हासिल गरेका छन् । १९९५ मा उनी पिएचडीका लागि अमेरिकाको स्ट्यानफोर्ड विश्वविद्यालयमा भर्ना भए । तर, दुुई दिनभित्रै छाडिदिए किनकी उनी आफ्नै नयाँ व्यवसाय सुरु गर्न चाहन्थे ।

कतिपयलाई एलन मास्कले नै टेस्ला कम्पनी स्थापना गरेका थिए भन्ने पनि लाग्ला । तर यो साँचो होइन । टेस्ला मोटर कम्पनीको सुरुवात २००३ मा मार्टिक एबरहार्ड र मार्क टारप्यानिङले गरेका थिए । फेब्रुअरी २००४ मा एलन मास्कले यसमा ७५ लाख डलर लगानी गरे । यस लगानीसँगै उनी टेस्लाको अध्यक्ष पनि बने ।
अक्टूबर २००८ मा उनी टेस्लाको सिईओ बने । यतिबेलासम्म कम्पनीमा उनले ७ करोड डलर लगानी गरिसकेका थिए । जून २०१० मा टेस्लाले आईपिओ लन्च ग¥यो । यससँगै कम्पनीको शेयर १ हजार २ सय २९ प्रतिशत बढ्यो ।
तर, एक समय यस्तो पनि आएको थियो, जतिबेला टेस्लाले ऋण लिनुप¥यो । २००९ मा टेस्लाले अमेरिका सरकारसँग ४६ दशमलव ५ करोड डलर ऋण लियो । यो ऋण उसले २०१३ मा चुक्ता ग¥यो ।
एलन मास्क स्पेसएक्सका पनि सिईओ हुन् । स्पेसएक्स प्राइभेट कम्पनी हो र सुचिकृत छैन, त्यसैकारण यसको वास्तविक तथ्याङ्क बाहिर आउँदैन । जुलाई २०२० मा मोर्गन स्टेनलीको अनुसन्धानले स्पेसएक्सको मार्केट भ्यालु २ सय अर्ब डलरसम्म हुनसक्ने आँकलन गरेको थियो ।  
सिएनबीसीको रिपोर्टअनुसार स्पेसएक्समा मस्कको १५ दशमलव ३ अर्ब शेयर छ । यसबाहेक उनी बोरिङ कम्पनीका पनि पसंस्थापक हुन् । मस्कले यो कम्पनीको सुरुवात २०१८ मा गरेका थिए ।