प्रधानमन्त्री केपी शर्मा ओलीले अमेरिकाका नव नियुक्त राष्ट्रपति जो बाइडेनलाई बधाई तथा शुभकामना दिएका छन् । बुधबार मध्यराति ट्वीट गर्दै ओलीले बाइडेनलाई बधाई तथा शुभकामना दिँदै उनको कार्यकालमा दुई देशबीचको सम्बन्ध थप मजबुत बन्ने विश्वास व्यक्त गरेका छन् ।

‘अमेरिकाको ४६ औं राष्ट्रपतिको रुपमा पदभार ग्रहण गर्नुभएकोमा जो बाइडेनलाई सफल कार्यकालको शुभकामना दिन चाहन्छु । उहाँको कार्यकालमा दुई देशबीचको मैत्री सम्बन्धलाई अझ सुदृढ पार्न मिलेर काम गर्न चाहन्छु’, ओलीको ट्वीटरमा भनिएको छ ।

बाइडेनले बुधबार नै पद तथा गोपनीयताको शपथ लिएका थिए ।