फिलिपिन्समा महिलाको कपडा लगाएर सुतेका एक पुरुषको तस्वीर भाइरल बनिरहेको छ । 
 

स्टोरबाहिर राखिएको डल जस्तै गरी पत्नीले पतिको शरीरमाथि कपडा राखिदिएकी हुन् । 

यस्तो सिर्जनात्मक सोच ल्याउने पत्नी फिलिपिन्समा अन्लाइन बुटिक चलाउँछिन् । 
 

तस्वीररू जोज अन्लाइन शप्पे नामक फेसबूक पेजले शेयर गरेको हो । तस्वीरको क्याप्सनमा लेखिएको छ, ‘म्यान्नेकिन छैन ? चिन्ता नलिनुस् । प्रयास जरूरी छ ।’

उक्त पोस्टमा हजारौं रियाक्सन, शेयर र कमेन्ट आएका छन् । धेरैजसोले महिलाको सिर्जनात्मक सोचको प्रशंसा गरेका छन् । 
 

जोसेलीन मे जाजरेनो काडेले पतिलाई शवासनमा सुतेको बेलामा क्लोदिङ मोडलका रूपमा उपयोग गर्ने सोच बनाइन् । त्यसपछि उनले सुतिरहेका पतिको शरीरमा स्कर्ट, जीन्स, टप तथा अन्य विभिन्न कपडाहरू राखेर तस्वीर खिचिन् । 

उनले पतिका तस्वीर आफ्नो पसलको फेसबूक पेजमा शेयर गर्दा त्यो भाइरल बन्न पुग्यो ।