२१ जेठ २०८३, बिहीबार
नेपाल कम्युनिस्ट पार्टी पुष्पकमल दाहाल ‘प्रचण्ड’ तथा माधवकुमार नेपाल अध्यक्ष रहेको नेपाल कम्युनिस्ट पार्टी (नेकपा)ले माइतीघर मण्डलामा भइरहेको सांसदहरूको धर्ना कार्यक्रम तीन दिनअगावै समापन गरेको छ ।
प्रतिनिधि सभा विघटनको विरोधमा तेस्रो चरणको आन्दोलन अन्तर्गत प्रचण्ड–नेपाल समूहले माघ १४ देखि २१ गतेसम्म सांसदहरूको धर्ना कार्यक्रम राखेको थियो ।
नेकपा स्थायी कमिटी सदस्य पम्फा भुसालले आन्दोलनका आगामी कार्यक्रममा केन्द्रित हुनु परेको भन्दै धर्ना कार्यक्रम स्थगित भएको जानकारी गराएकी हुन् ।
आइतवारको धर्नामा प्रचण्ड, माधव नेपाल, नारायणकाजी श्रेष्ठलगायत नेताहरू सहभागी थिए ।
धर्ना समापन गर्दै नेतृ भुसालले प्रतिनिधि सभा विघटनविरुद्ध सर्वोच्च अदालतमा परेको रिटमाथिको फैसला छिट्टै आउने विश्वास व्यक्त गरिन् ।
