प्रतिनिधिसभा विघटनपछि राजनीतिक रुपमा विभाजित नेकपाको आधिकारिकता विवाद र संसद् विघटनलाई लिएर सर्वोच्च अदालतमा परेको मुद्दाको सुनुवाइ ढिलाइ हुँदा वैशाखमा निर्वाचनको सम्भावना क्षीण हुँदै गएको समाचार नागरिक दैनिकमा छापिएको छ ।

प्रधानमन्त्री केपी ओलीको सिफारिसमा पुस ५ गते राष्ट्रपति विद्यादेवी भण्डारीले प्रतिनिधिसभा विघटन गरी आगामी वैशाख १७ र २७ गते मध्यावधि निर्वाचनको घोषणा गरेकी थिइन् ।
निर्वाचन आयोगले चुनाव सम्पन्न गराउन ९० दिन बाँकी रहँदा सम्पूर्ण प्रक्रिया सुरु गर्नुपर्ने बताएको छ । निर्वाचन तोकिएको मिति आउन अब ८८ दिनमात्रै बाँकी छ । तर निर्वाचनसँग जोडिएको दुई वटा मुद्दा छिट्टै किनारा लाग्ने सम्भावना कम छ ।