२० असार २०८३, शनिबार
पाकिस्तानमा बसेर इरानमा आतंकवादी आक्रमण भइरहेपछि आक्रोशित इरानी सेनाले पाकिस्तानी सीमामा प्रवेश गरेर सर्जिकल स्ट्राइक गर्दै आफ्ना दुई सैनिक थुनामुक्त गराएको छ ।
इरानको रिभोल्युसनरी गार्ड्सले पाकिस्तानमा रहेको आतंकवादी संगठन जैश अल–अदलको अड्डामा आक्रमण गरेर लगभग साढे दुई वर्षदेखि थुनामा राखिएका जवानहरूलाई मुक्त गरेको हो ।
जैश उल–अदल कट्टरपन्थी वहाबी आतंकवादी गुट हो र त्यो दक्षिणपश्चिम पाकिस्तानमा इरान सीमामा सक्रिय छ ।
इरानको फार्स न्युज एजेन्सीका अनुसार, जैशले फेब्रुअरी २०१९ मा इरान सेनामााथि आक्रमण गरेर अनेकौं जवान मारेको थियो र दुई जवान नियन्त्रणमा लिएको थियो ।
इरान सेनाले गोप्य सूचनाको आधारमा मंगलवार राति सर्जिकल स्ट्राइक गरेको हो । सेनाले बयान जारी गर्दै यसको जानकारी दिएको हो ।
इरानी सैनिकहरू सफलतापूर्वक देश फर्किएको बताइएको छ ।
जैश लामो समयदेखि पाकिस्तान इरान सीमामा सक्रिय छ र उसले इरानको बसीजमा अर्धसैनिक अड्डामा आक्रमण गरेको थियो ।
यही संगठनले सन् २०१४ मा पनि पाँचजना इरानी सीमारक्षकहरूलाई अपहरण गरेको थियो । लगभग दुई महिनापछि चार सैनिकलाई मुक्त गराइएको थियो भने आतंकवादीहरूले एक सैनिकको हत्या गरेका थिए ।
