०८ साउन २०८३, शुक्रबार
चलचित्र ‘आई एम ट्वान्टी वान’को छायांकन ५५ दिनमा सकिएको छ ।
यो चलचित्र काठमाडौं उपत्यकासहित धरानमा पनि खिचिएको थियो । चलचित्रलाई रेनशा वान्तवा राइले निर्देशन गरेकी हुन् । चलचित्रमा धिरज मगर र जसिता गुरुङको मुख्य भूमिका देख्न सकिन्छ ।
डान्सको कथामा निर्माण भएको यो चलचित्र निकै चुनौतीपूर्ण काम ठुलो मिहिनेतका साथ सम्पन्न गरिएको निर्देशक राईले बताइन् ।
यो चलचित्रमा धेरैजसो नयाँ अनुहार छन् । मुख्य भुमिकामा काम गरेकी जसिताले यसअघि लिलिबीली र लभ स्टेशनमा काम गरेकी थिइन् भने धिरजले इन्टु मिन्टु लण्डनमा’ काम गरेका थिए । यो चलचित्रको एउटा गीतको छायांकन गर्न भने बाँकी छ ।
प्रज्वल शमशेर जबराको निर्माणमा तयार भएको यो चलचित्रको प्रदर्शन मिति भने तय भइसकेको छैन । निर्देशक राईले सबै काम सकेपछि मात्रै प्रदर्शन मिति तोक्ने बताइन् ।
