असंवैधानिक कदमविरुद्ध आन्दोलन गर्नेहरूलाई जावलाखेलको चिडियाखानामा थुन्ने गृहमन्त्री रामबहादुर थापा बादलको अभिव्यक्तिले प्रधानमन्त्री तानाशाह बन्न खोजिरहेको पुष्टि हुने टिप्पणी नेकपा प्रचण्ड-नेपाल पक्षका स्थायी कमिटी सदस्य भीम रावलले गरेका छन् । 

ओली पक्षीय नेकपाले दरबारमार्गमा आयोजना गरेको जनसभामा सम्बोधन गर्दै बादलले मांसहारी आन्दोलन गर्छु भन्नेलाई जावलाखेलको जूमा थुन्ने बताएका थिए ।

त्यसको विरोधमा ट्वीट गर्दै भीम रावलले लेखेका छन्–

प्रधानमन्त्री केपी ओलीको प्रतिनिधि सभा विघटन र मनपरी गर्ने असंवैधानिक कार्यका विरूद्ध आन्दोलन गर्नेहरूलाई जावलाखेलको चिडियाखानामा थुन्ने गृहमन्त्रीको भाषणले प्रम ओली निरंकुश पञ्चायती शासनभन्दा अघि बढेर तानाशाह बन्ने दु:स्वप्न देखिरहनुभएको पुष्टि हुन्छ। निरंकुशतन्त्र ढल्छ ।'

हेर्नुहोस्, ट्वीट :

प्रधानमन्त्री केपी ओलीको प्रतिनिधि सभा विघटन र मनपरी गर्ने असंवैधानिक कार्यका विरूद्ध आन्दोलन गर्नेहरूलाई जावलाखेलको चिडियाखानामा थुन्ने गृहमन्त्रीको भाषणले प्रमं ओली निरंकुश पञ्चायती शासनभन्दा अघि बढेर तानाशाह बन्ने दु:स्वप्ना देखिरहनु भएको पुष्टि हुन्छ ।निरंकुशतन्त्र ढल्छ।

— Bhim Rawal, PhD (@BhimRawal179) February 5, 2021