२५ जेठ २०८३, सोमबार
प्रधानमन्त्री केपी शर्मा ओली र राष्ट्रपति विद्यादेवी भण्डारीबीच मंगलवार अपराह्न भेटवार्ता भएको छ ।
निर्वाचन आयोगमा पुगेर चुनावको तयारीसम्बन्धी जानकारी लिएपछि प्रधानमन्त्री ओली सिधै राष्ट्रपति निवास पुगेका थिए ।
राष्ट्रपति भण्डारी र प्रधानमन्त्री ओलीबीच निर्वाचन तयारीसम्बन्धी छलफल भएको बालुवाटार स्रोतले बतायो ।
सोमवार बसेको मन्त्रिपरिषद् बैठकले गरेको निर्वाचनसम्बन्धी निर्णय जानकारी गराउन ओली राष्ट्रपति निवास पुगेका हुन् ।
ओलीले निर्वाचन आयुक्तहरूको छलफलमा तोकिएको मिति (वैशाख १७ र २७ गते)मै निर्वाचन गर्ने गरी अघि बढ्न आग्रह गरेका थिए ।
उनले आयोगलाई सरकारले आवश्यक सहयोग गर्नेसमेत प्रतिबद्धता व्यक्त गरेको आयोग स्रोतले जानकारी दियो ।
आयोगमा भएको छलफल लगत्तै ओली र राष्ट्रपतिबीच भएको भेटवार्तालाई अर्थपूर्ण रूपमा हेरिएको छ ।
