प्रधानमन्त्रीका प्रेस सल्लाहकार सूर्य थापाले प्रचण्ड–नेपाल समूहले बुधबार आयोजित विरोध सभामा जथाभावी आलोचनाको शब्द प्रहार गरेको भन्दै आक्रोश पोखेका छन् ।
‘शब्द प्रयोगमा संयमित र जवाफदेही  नभएर जथाभावी बर्बराउने हो भने हत्यारा, रक्तपिपासु, लुटेरा र अरू केके भन्न सकिन्छ होला ह्वालाई ?’, उनले सामाजिक सञ्जालमा भनेका छन्, ‘तथ्यको आधारमा सही कुरा भनौं त जनता जनार्दन ! अझ आज त ढाडे बिरालोले मुसा नखाने पो  घोषणा गरेको सुन्दा झनै आश्चर्य लाग्यो ।’

प्रचण्ड–नेपाल समूहलाई ‘कठै बरा’ भनि टिप्पणी गर्दै भनेका छन्, ‘यो त अर्को चरम नौटंकी भएन र ? अब प्रधानमन्त्री हुने बुँता चट्,  अनि देश पो बनाउने रे, कठै बरा ??’
प्रचण्ड–नेपाल समूहले आज राजधानीमा गरेको बृहद् विरोधसभाका क्रममा नेताहरुले प्रधानमन्त्रीको कडा आलोचना गरेका थिए ।