अबदेखि बागमती प्रदेशभित्रका सबै जिल्लाका व्यावसायिक फारम प्रदेश सरकारमार्फत दर्ता हुने भएको छ । एक कार्यक्रमबीच आज प्रदेश मातहत आउन बाँकी रहेका उपत्यकाका तीनवटा जिल्लाका वाणिज्य प्रशासनसम्बन्धी कार्य प्रदेश सरकारलाई हस्तान्तरण गरिएको हो ।

     प्रदेशका उद्योग, पर्यटन, वन तथा वातावरणमन्त्री रहेका मुख्यमन्त्री डोरमणि पौडेल तथा वाणिज्य विभागका महानिर्देशकले भिडियो कन्फरेन्समार्फत सेवाको शुभारम्भ गरे । उनले व्यवसाय दर्ताको काम प्रदेश मातहत आएपछि सेवा अझ चुस्तदुरुस्त हुने बताए ।