नेपाली कांग्रेसका केन्द्रीय सदस्य डा. शेखर कोइरालाले प्रधानमन्त्री नै सुरक्षित नभएको देशमा को सुरक्षित छ भनेर प्रश्न गरेका छन् ।

बुधवार बिहान सामाजिक सञ्जाल ट्विटरमा प्रतिक्रिया जनाउँदै नेता कोइरालाले प्रधानमन्त्रीले आफू सुरक्षित नभएको भनेर दिएको अभिव्यक्तिले सुरक्षा निकायको मनोबल कस्तो होला भनेर समेत प्रश्न गरेका छन् ।

उनले लेखेका छन्, ‘प्रधानमन्त्री जस्तो व्यक्तिले ‘म सुरक्षित छैन, मेरो ज्यान खतरामा छ’ भन्दा सुरक्षा निकायको मनोबल कस्तो होला ? प्रधानमन्त्री नै सुरक्षित छैनन् भने यो देशमा को चाहिँ सुरक्षित छ ? सर्वसाधारण जनता चाहिँ सुरक्षित छन् त ?’

प्रधानमन्त्री जस्तो व्यक्तिले "म सुरक्षित छैन,मेरो ज्यान खतरामा छ" भन्दा सुरक्षा निकायको मनोबल कस्तो होला? प्रधानमन्त्री नै सुरक्षित छैनन् भने यो देशमा को चाही सुरक्षीत छ? सर्वसाधारण जनता चाही सुरक्षित छन त?

— Dr Shekhar Koirala (@Shekharnc) March 3, 2021