ललितपुर ८ जेठ– ललितपुर महानगरपालिकाको मेयरका लागि भएको मतगणनामा नेपाली कांग्रेसका उम्मेदवार चिरीबाबु महर्जनले १ हजार ५ सयको अग्रता कायम राखेका छन् ।
सोमवार दिउसोसम्मको मतगणना परिणाम अनुसार कांग्रेस उम्मेदवार महर्जनले २० हजार ३ सय ७० मत प्राप्त गरेका छन् ।
नेकपा एमालेका उम्मेदवार हरिकृष्ण व्यञ्जनकारले १८ हजार ७ सय ८३ मत प्राप्त गरेका छन् । माओवादी केन्द्रका दिनेश महर्जन दिपेशले ६ हजार १ सय ८२ मत पाएका छन् ।
उपमेयरमा नेपाली काग्रेसकी उम्मेदवार गीता सत्यालले १७ हजार ६ सय ७ मत प्राप्त गरेकी छन् । साझा पार्टीका उम्मेदवार शोभा शाक्यले १२ हजार १सय ३० भोट पाएकी छन् ।
