२४ जेठ २०८३, आइतबार
नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र जसपा अध्यक्ष महन्थ ठाकुर तथा राजेन्द्र महतोबीच पेरिसडाँडामा छलफल भएको छ ।
जसपा अध्यक्ष महन्थ ठाकुर र नेता राजेन्द्र महतो बुधवार दिउँसो माओवादीको केन्द्रीय कार्यालय पुगेका हुन् ।
प्रचण्डका प्रेस सहयोगी विष्णु सापकोटाले जसपाका नेताहरूसँग अध्यक्ष प्रचण्डले छलफल गरेको जानकारी दिए ।
बुधवार बसेको नेकपा स्थायी कमिटी बैठकले नयाँ सरकार गठनका लागि कांग्रेस र जसपासँग थप पहल गर्ने निर्णय गरेको थियो ।
मध्याह्न बसेको स्थायी कमिटी बैठकमा प्रचण्डले हिजो कांग्रेस सभापति शेरबहादुर देउवासँग भएको भेटवार्ताबारे ब्रिफिङ गरेका थिए ।
प्रचण्डले हिजो नै जसपा नेता बाबुराम भट्टराईसँग परामर्श गरेका थिए ।
माओवादी केन्द्रले नयाँ समीकरण नबन्दासम्म सरकारलाई दिएको समर्थन फिर्ता नलिने निर्णय गरेको थियो ।
बुधवार संसद् भवनबाट बाहिरिने क्रममा जसपा नेता महतोले आफूहरूका माग पूरा गर्नेलाई समर्थन गर्ने बताएका थिए ।
